Gedagte vir die dag | Dinsdag 20 Desember 2022
Ek lees graag vandag vir ons ’n Advent gedig van Frieda van den Heever voor. Mag hierdie woorde vir jou ’n troos wees in hierdie heilige dae:
Die Woord het vlees geword
God uit God in ’n mens uitgestort
Vannag kyk ’n ster na die aarde
Sing stof, jy’t ook nou waarde
Die Woord het vlees geword.
God giet God uit in ’n kind wat huil
God as verskuil in ’n suigeling wat weet hy gaan bloed sweet
In ’n baba, klein en bang wat gaan hang tussen hemel en aarde
Die Woord het vlees geword.
Die Woord het vlees geword
Lig uit lig in die donker neergestort
Tussen diere en doeke
Sonder kiekies en koeke
G’n dokters en boeke
En so skryf die Woord geskiedenis oor
Kom, weeskinders
Kom, wyse manne
Kom, woeste winde
Wat waai in die Noorde waar krismis wit is
En Krismis swart is
En Krismis bruin in
Op Kaapse vlaktes
Kom Vader Krismis, se my, mis jy ook die Christus
Jou slee is tjok en blok, maar ys smelt dwarsoor die wêreld
Die hele wêreld is op hol
Ons is keelvol
En kopvol
En gatvol
Die herberg is vol
Maar die stal in my siel is dolleeg
Ek is vol strooi en sweet en skape en oorskiet sterre
Wie sou wou kers opsteek by,
Leplek vind in my
In my wou wees
Maar die Woord word bloed
En die Woord word vlees
Gedagte vir die dag | Maandag 19 Desember 2022
Aan die begin van hierdie week lees ek graag vir ons ‘n gebed voor van die Corrymeela gemeenskap. Dit is ’n Ierse-gemeenskap wat hulself vir vredesgesprekke tussen verskillende groepe en mense beywer:
God who walks with us in our darkness,
God who draws out our inner light:
Even in the brightness of day,
There is a limit to what one can see.
Our ignoranceand bias;
Our narrowed views and
Chosen positions prevent us
From seeing the whole,
And from seeing ourselves.
In the welcome
Of others’ perspectives
We gain greater sight.
May we fear neither
The uncertainty of night
Nor the exposure of day,
For in both we are known by you.
Amen
Gedagte vir die dag | Saterdag 17 Desember 2022
Dirkie Smit het ’n advent gebed geskyf wat ek graag vir ons wil lees. Mag sy woorde ook ons woorde word en dalk iets verwoord van waar elkeen van ons, onsself bevind in hierdie Advent tyd
Ons Vader wat in die hemel is,
Laat U Naam geheilig word,
U Koninkryk kom,
U wil geskied-
Soos in die hemel, so ook op die aarde.
Ons wag in hierdie dae, Here,
Soos altyd, soos elke jaar weer, op U koms-
om dit te onthou, om dit te vier, om ons daaroor te verbly,
om daaroor te gesels en te sing,
en opnuut na die verhale daaroor te luister.
Terwyl ons wag in hierdie dae, Here,
maak tog ons oë oop, elke dag,
vir u koms onder ons en tussen ons en by ons, soos altyd –
sodat u wil sal geskied,
onder ons en tussen ons en by ons
en u Naam sal geheilig word,
onder ons en tussen ons en by ons
en u koninkryk sal kom,
onder ons en tussen ons en by ons.
Gee ons vandag ons daaglikse brood.
Vergewe ons ons skulde
soos ons ook ons skuldenaars vergewe.
En lei ons nie in versoeking nie,
maar verlos ons van die bose.
Verlos ons van al ons radeloosheid,
van ons vrese en ons magteloosheid,
van ons versuim en van ons versaak,
van al ons onderlinge stryd en ons vele skeuringe.
Gee ons, gee ons tog-
Soos altyd weer-
al die geestelike gawes
van u Nabyheid en u Koms
En u Ryk.
Gedagte vir die dag | Vrydag 16 Desember 2022
Teksgedeelte: Johannes 1. “In die begin was die Woord daar, en die Woord was by God, en die Woord was self God. 2Hy was reeds in die begin by God. 3Alles het deur Hom tot stand gekom: ja, nie ‘n enkele ding wat bestaan, het sonder Hom tot stand gekom nie. 4In Hom was daar lewe, en dié lewe was die lig vir die mense. 5Die lig skyn in die duisternis, die duisternis kon dit nie uitdoof nie.”
Die storie van Advent begin soos elke jaar altyd in die donker. Meeste van ons is ongemaklik met die donker, met die onbekende en dit wat ons nie duidelik kan sien nie. Baie van ons storm gewoonlik eerder by die donker verby na die veiligheid en voorspelbaarheid van die lig. Maar Advent herinner ons dat die goed in die lewe wat die moeite werd is om voor te wag, gewoonlik gevorm en gemaak word in die donker. Dis moeilik vir ons om te hoor, veral in ’n wêreld wat soveel waarde heg aan die wenstreep, ’n eindproduk en kortpaaie. Adventtyd herinner ons aan die heiligheid van die goed in die lewe wat nog onvoltooid is, wat nog in wording is. Soos saad wat diep onder die grond in die donker wag vir die volgende seisoen. Advent herinner ons aan die geskenk van wag. En dan om te wag op God. Te wag op die Lig wat stadig deurbreek. Dat alhoewel die donker soms oorweldigend voel, dit juis in die donker is, waar daar iets mooi en goed besig is om gevorm te word. Iets wat wag om gebore te word
Gedagte vir die dag | Donderdag 15 Desember 2022
Advent is die hoop op dit wat nog moet kom, die afwagting op dit wat nog nie klaar is nie. Mag hierdie Kersgebed van Maya Angelou ons help om vas te hou aan hoop en leef met hierdie verwagting:
Amazing Peace: A Christmas Poem
Thunder rumbles in the mountain passes
And lightning rattles the eaves of our houses.
Flood waters await us in our avenues.
Snow falls upon snow, falls upon snow to avalanche
Over unprotected villages.
The sky slips low and grey and threatening.
We question ourselves.
What have we done to so affront nature?
We worry God.
Are you there? Are you there really?
Does the covenant you made with us still hold?
Into this climate of fear and apprehension, Christmas enters,
Streaming lights of joy, ringing bells of hope
And singing carols of forgiveness high up in the bright air.
The world is encouraged to come away from rancor,
Come the way of friendship.
It is the Glad Season.
Thunder ebbs to silence and lightning sleeps quietly in the corner.
Flood waters recede into memory.
Snow becomes a yielding cushion to aid us
As we make our way to higher ground.
Hope is born again in the faces of children
It rides on the shoulders of our aged as they walk into their sunsets.
Hope spreads around the earth. Brightening all things,
Even hate which crouches breeding in dark corridors.
In our joy, we think we hear a whisper.
At first it is too soft. Then only half heard.
We listen carefully as it gathers strength.
We hear a sweetness.
The word is Peace.
It is loud now. It is louder.
Louder than the explosion of bombs.
We tremble at the sound. We are thrilled by its presence.
It is what we have hungered for.
Not just the absence of war. But, true Peace.
A harmony of spirit, a comfort of courtesies.
Security for our beloveds and their beloveds.
We clap hands and welcome the Peace of Christmas.
We beckon this good season to wait a while with us.
We, Baptist and Buddhist, Methodist and Muslim, say come.
Peace.
Come and fill us and our world with your majesty.
We, the Jew and the Jainist, the Catholic and the Confucian,
Implore you, to stay a while with us.
So we may learn by your shimmering light
How to look beyond complexion and see community.
It is Christmas time, a halting of hate time.
On this platform of peace, we can create a language
To translate ourselves to ourselves and to each other.
At this Holy Instant, we celebrate the Birth of Jesus Christ
Into the great religions of the world.
We jubilate the precious advent of trust.
We shout with glorious tongues at the coming of hope.
All the earth’s tribes loosen their voices
To celebrate the promise of Peace.
We, Angels and Mortal’s, Believers and Non-Believers,
Look heavenward and speak the word aloud.
Peace. We look at our world and speak the word aloud.
Peace. We look at each other, then into ourselves
And we say without shyness or apology or hesitation.
Peace, My Brother.
Gedagte vir die dag | Woensdag 14 Desember 2022
Ek wil graag vir ons ‘n gebed van Joyce Rupp voorlees. Mag hierdie woorde vir jou help om te sien dat God se Lig oral in ons lewens inskyn die heiligheid van die dae te vier:
Bron van Lig, Immanual, God-met-ons,
U Herder liefde het ons wagtende wêreld kom verlig
met die verrassing van U Betlehemgeboorte.
Van toe af vier ons elke jaar hierdie
verbysterende gebeurtenis,
verbly ons in U nuwe koms, nie net as ’n pasgebore baba nie,
maar as die verborge Teenwoordigheid van goddelikheid
Binne- in elkeen van ons.
Tot ons groot verwondering, het ons U
Woonplek geword.
Ons is nou U Betlehem.
Nou is jy Skat gebore in die geheime plek van ons siel.
Nou is jy Blydskap wat deurbreek in die donker grotte van ons seer.
Nou is jy Vrede wta stil-stil gloei in die krake van ons angs.
Nou is jy Liefde wat weerspieël word in ons meegevoel.
Christus, Lig van alle ligte, Ster van alle sterre,
Bewoner binne-in hierdie menshuise van ons,
maak ons wegloopkoppe, ons drosterdoppe en ons huiwerharte oop
dat U eindelose goedheid meer volmaak in ons kan woon.
Ons verwelkom jou weer en weer, met dank en vertroue,
Nie net in die Kersseisoen van onthou en feesviering nie
Maar deur die nuwe jaar wat ons inwag.
Gedagte vir die dag | Dinsdag 13 Desember 2022
Efesiërs 5:8: “Vroeër was julle die ene duisternis, maar nou in die Here is julle lig. Leef dan as mense van die lig. Uit die lig kom alles voort wat goed en reg en waar is.”
Vandag se teksgedeelte begin met ’n stelling. Vroeër was julle duisternis, maar nou in die Here is julle lig. Dit is wie ons is in Christus. Iemand het onlangs met my gedeel dat daar twee maniere is om te leef. Eerstens, ’n lewe van prestasie en tweedens, ’n lewe van identiteit. As ons lewe volgens prestasie word ons identiteit gegrond op wat ons regkry. Ons meet onsself aan hoe ryk ons is, of hoe goed ons kinders op skool doen, of hoeveel likes ons op sosiale media kry. Wanneer ons prestasie najaag, is ons nooit genoeg nie. Maar wanneer ons besef wat ons identiteit is en daaruit begin leef, verander die prentjie. Paulus sê hier, in Christus is ons lig. Of ons lig of duisternis is, hang nie af van wat ons doen nie, maar wat Christus reeds namens ons gedoen het.
Nou ís julle lig. Leef dan as mense van die lig. Wees wie jy is in Christus. In hierdie Kerstyd is daar soveel druk op ons van verskillende kante af. Kersfees word dikwels nog ’n tyd van prestasie, waar ons ’n klomp dinge moet doen. Dalk is hierdie teksgedeelte ’n uitnodiging om hierdie Kersfees minder te doen en meer te wees.
In hierdie Adventstyd, mag jy reflekteer op die Lig wat aan die kom is na die wêreld, wat in ons harte skyn, om ons ’n nuwe identiteit as mense van die Lig te gee.
In hierdie Kerstyd, wees Lig.
Gebed
Here, ons word so maklik vasgevang in die leun dat ons altyd meer moet doen, dat ons waarde afhang van hoe goed ons presteer. Here, U noem ons waardevol, nie op grond van wat ons doen nie, maar op grond van Christus en wie ons in Hom is. Mag ons in hierdie Kerstyd die ware lig van Christus beleef. En mag ons die lig wees wat ons reeds in Christus is.
Amen
Gedagte vir die dag | Maandag 12 Desember 2022
Matteus 5: 14-16 “Julle is die lig vir die wêreld. ‘n Stad wat op ‘n berg lê, kan nie weggesteek word nie; ook steek ‘n mens nie ‘n lamp op en sit dit onder ‘n emmer nie maar op ‘n lampstaander, en dit gee lig vir almal in die huis. Laat julle lig so voor die mense skyn, dat hulle julle goeie werke kan sien en julle Vader wat in die hemel is, verheerlik.”
Refleksie
Jesus skets hier ’n komieklike prentjie van iemand wat ’n lamp aansteek, net om die lamp weg te steek onder ’n emmer. Daarmee nooi Jesus ons uit om te reflekteer oor of ons dit nie miskien met die lig wat God in ons laat skyn, ook doen nie? Kry ons nie soms skaam en probeer ons lig wegsteek nie? Daarmee saam nooi Jesus ons uit om met vrymoedigheid ons lig te laat skyn.
In die vorige teksgedeeltes van die week het ons gesien dat Jesus die ware bron van lig is. Maar hier sê Jesus, “julle is die lig vir die wêreld.” Wat waar is van Jesus, word waar vir sy volgelinge. Maar tog, is die veronderstelling daar dat die lig nie vir ons eie heerlikheid is nie. Ons lig is nie veronderstel om onsself te verheerlik nie – ons lig is veronderstel om ons Vader wat in die hemel is, te verheerlik. Wanneer mense na Jesus se volgelinge kyk en die manier sien wat ons vir Jesus volg, met liefde en opoffering, behoort hulle vir God raak te sien.
Mag ons ons lig so laat skyn, dat almal kan sien dat ons vir Jesus volg, en ons Vader wat in die hemel is, verheerlik.
Gebed
Here God, dit is soms vir ons moeilik om die lig wat U vir ons gee, te laat skyn. Soms voel ons skaam, of nie goed genoeg nie en probeer ons eerder ons lig wegsteek. Mag u ons help om ons lig te laat skyn, sodat, wanneer mense na ons kyk, hulle u heerlikheid sal sien.
Amen
Gedagte vir die dag | Saterdag 10 Desember 2022
2 Korintiërs 4:6. God wat gesê het: “Laat daar lig skyn uit die duisternis,” het ook in ons harte ‘n lig laat skyn om ons te verlig met die kennis van die heerlikheid van God, wat van Jesus Christus uitstraal.
Refleksie
Paulus tref ’n interessante vergelyking tussen lig wat skyn uit die duisternis en lig wat in ons harte skyn. Dit ’n parallelisme wat ons harte met duisternis vergelyk. Dit nooi ons uit om te reflekteer oor die duisternis van ons harte, die gebrokenheid van die mensdom, maar ook oor die verhouding tussen lig en duisternis. Soos ons vroeër in Genesis 1 gehoor het, is duisternis die geboorteplek van die lig en die res van die skepping. Dit is juis in die middel van die duisternis waar die heerlikheid van God se lig die helderste skyn.
Dit is juis in die duisternis van ons harte, wat God se lig duidelik word. God gebruik gewone, gebroke mense soos ek en jy om sy lig bekend te maak. In hierdie teksgedeelte is die lig en duisternis nie vyande nie, maar vul die duisternis die lig aan, sodat nog meer sigbaar kan word.
Daarom skryf Paulus later in vers 10: “Die sterwe van Jesus dra ons altyd saam in ons liggaam, sodat ook die lewe van Jesus, sigbaar kan word in ons liggaam.”
Dit is juis in die donkerte van die kruis, wat die lig van die opstanding en lewe in Christus die helderste skyn. Mag God ook in die duisternis van ons harte, sy lig laat skyn
Gebed
Here, dankie dat U my, ’n gewone, gebroke, mens, gebruik as deel van u koninkryk. U het u lig in my donker hart laat skyn om my te verlig met die kennis en heerlikheid van God. Mag die lig wat U in my laat skyn, sigbaar word in die wêreld.
Amen
Gedagte vir die dag | Vrydag 9 Desember 2022
Johannes 1:9. Die ware lig wat elke mens verlig, was aan kom na die wêreld toe.
Een van die interessante eienskappe van lig, is dat lig onsigbaar is. Ons kan nie lig self sien nie, ons sien slegs wat deur lig getref, of verlig word. Hierdie versie maak dit duidelik dat Christus die ware lig is. Ons skyn nie met ons eie lig nie. Maar omdat lig self onsigbaar is, kan ons maklik verward raak tussen die lig self en die voorwerp wat verlig word. Ons kan maklik dink die maan skyn met haar eie lig, soos wat mense vir duisende jare geglo het. Vandag weet ons dat die maan ’n dowwe stuk stof is, wat net die lig van die son reflekteer. So kan ons ook begin dink dat dit ons eie lig is wat so helder skyn en nie raaksien dat ons ook maar dowwe stofwesens is nie, wat slegs skyn omdat ons verlig word deur die lig van Christus.
Daarom maak Johannes later in die hoofstuk twee belangrike punte. Toe Christus mens geword het in Jesus, het sy eie mense Hom nie erken as die ware lig nie. Tweedens, vir die wat wel die oë het om te sien dat Jesus Christus die ware lig is wat elke mens verlig, het Christus die onsigbare lig van God, sigbaar kom maak. Daarom skryf Johannes in vers 18: “Niemand het God ooit gesien nie. Sy enigste Seun, self God, wat die naaste aan die Vader is, dié het Hom bekend gemaak.”
Mag ons vandag besef dat ons nie met ons eie lig skyn nie. Mag ons raaksien dat Christus die lig is wat elke mens verlig. Mag Christus vandag en elke dag, God vir ons bekend maak, sodat ons in ’n lewende verhouding met Hom kan leef.
Gebed
Here, ons dink so maklik dat ons met ons eie lig skyn. Ons kyk so maklik mis dat U die lig is wat elke mens verlig – U is die bron van alle lewe. Help ons om vandag meer en meer bewus te word van U lig, sodat U al hoe meer bekend kan word in ons lewens en in die wêreld.
Amen