In Stellenberg-gemeente is elke lidmaat se geloofsreis vir ons belangrik en ons nooi elke lidmaat en ook gesinne om hul geloofsreis saam met ons aan te pak.
Die hartklop van die formasiereis is om jongmense en volwassenes op hulle onderskeie geloofspaaie te begelei sodat elkeen sy/haar eie identiteit in Christus, asook hul lewensroeping kan ontdek. Sodoende sal hulle as geestelik selfstandige mense ontwikkel wat Jesus navolg.
Bestudeer gerus die formasiereis se roetekaart, hier onder. Verskillende mylpale word by verskeie roetemerkers gevier en elke gelowige se reis is ’n persoonlike belewenis vanaf die dag dat jou ouers saam met jou by die doopvont staan, tot jy self belydenis van geloof aflê.